Intrada

Mangé e bèive

Programa dij 21 ëd Magg

in
Merco, ij 21 ëd Magg 2008
an Borgà Pavajon ëd Casto. An colaborassion con l'Assessorà al Dësvlup ëd Bòsch e Montagna dla Region Piemont e la Comunità Montagnin-a «Langa dle Val»

a 8 ore la sèira Overtura dla festa
Rëscontr «Ël langhèt, na lenga 'me modél coltural da esportesse».
Relator
  • l’Assessor Regional al Dësvlup ëd Bòsch e Montagna Brun-a Sibille
  • ël Pressident ëd la Com.Mont. «Langa dle Val» Rico Prejasch
  • Silvio Vibert e Prim Culass, autor dël dissionari «Rastlèire»
  • Batista Cornaja, dl'Associassion GoPiedmont
Degustassion soagnà da l'Enoteca Regional Colin-e dël Moscatel
a 9 e mesa Consert: ël Quintèt d'Enzo Vacca a presentà «Evoa!», mùsiche tradissionaj piemontèise për arpa sèltica, vos, violin, viòla e violonsél

Programa dij 22 ëd Magg

in
Giòbia, ij 22 ëd Magg 2008
an Cherasch, Teatr Salomon. An colaborassion con la Sità 'd Cherasch

a 8 ore la sèira: L'Òsto dël Pensé: ël Piemont ant la stòria. Ij pass ëd l'identità regional da 'n sl'Assieta al di d'ancheuj
Degustassion soagnà da l'Enoteca Regional dël Roé

a 9 e mesa: Na vòta a l'òsto. Mùsiche tradissionaj da la Companìa dij Musicant d’Alba. Da 'nt j'òsto dël Piemont fin-a al folk antërnassional

Programa dij 23 ëd Magg

in
Vënner, ij 23 ëd Magg 2008
an Coni. An colaborassion con la Sità 'd Coni
 
a 8 ore la sèira ant la Gesià sconsacrà 'd Santa Chiara
L'Òsto dël Pensé:
  • Contand e Cantand: barba Guido Muss e barba Gioanin ël cantastòrie. Soagnà da l'associassion «Piemont dev vive»
  • Càndida Rabia, esposission ëd quàder
  • Degustassion soagnà da l'Enoteca dël Roé
a 9 e mesa al Teatr Tosél
Se ij bogianen a bogio... Pòrca miseria! Stòrie 'd campagnin e d'emigrant piemontèis, réssita dij Musicant ëd Riva 'd Cher

Programa dij 24 ëd Magg

in
Saba, ij 24 ëd Magg 2008
an Alba, Teatr Sossial G. Busca. An colaborassion con la Sità d’Alba
 
Da 2 bòt dël dòp mesdì a 7 ore la sèira
Rëscontr ëd la Wikipedia Piemontèisa, l'enciclopedìa a gràtis ëd la Ragnà
a deurbo la manifestassion:
  • l'Assessor a la Coltura dla Region Piemont: Gian Oliva
  • l'Assessor al Torism ëd la Provinsa 'd Coni: Federich Gregòri
  • ël Sìndich d’Alba: Giusep Rossèt
  • L'Ass. comunal a Coltura e Polìtiche Giovanij: Ivana Brigneul Miròglio
  • j'aministrator ëd la wiki piemontèisa Dragonòt, Berto 'd Sèra, Borichèt e àutri volontari dël progét
Ant ël programa:
- Discussion con utent e letor
- Dimostrassion técniche,
- Ancontr con student, magìster e magistre dij cors ëd Piemontèis
- Wikipedia e scòla, coma giutesse a fé còsa
- Toponimìa piemontèisa: anvers a na cartografìa «nativa»
an Cherasch, Teatr Salomon. An colaborassion con la Sità 'd Cherasch

a 8 ore la sèira L’Òsto dël Pensé: Homo sum. Da Terensio a Tavo Burat, leture piemontèise soagnà da Giani Davich
Degustassion soagnà da l’Enoteca Regional dël Roé

a 9 e mesa Nòna, scota na stòria!  spetàcol animà djë student dij cors ëd Piemontèis ëd j'asilo e dle scòle elementar e medie dla Provinsa 'd Coni. Soagnà da Nòste Rèis, masentà da Vàlter Bërgèis
Marossé dle neuve

Torné a la sima