Giòbia, ij 22 ëd Magg 2008
an Cherasch, Teatr Salomon. An colaborassion con la Sità 'd Cherasch

a 8 ore la sèira: L'Òsto dël Pensé: ël Piemont ant la stòria. Ij pass ëd l'identità regional da 'n sl'Assieta al di d'ancheuj
Degustassion soagnà da l'Enoteca Regional dël Roé

a 9 e mesa: Na vòta a l'òsto. Mùsiche tradissionaj da la Companìa dij Musicant d’Alba. Da 'nt j'òsto dël Piemont fin-a al folk antërnassional

Vënner, ij 23 ëd Magg 2008
an Coni. An colaborassion con la Sità 'd Coni

 

a 8 ore la sèira ant la Gesià sconsacrà 'd Santa Chiara

L'Òsto dël Pensé:

• Contand e Cantand: barba Guido Muss e barba Gioanin ël cantastòrie. Soagnà da l'associassion «Piemont dev vive»
• Càndida Rabia, esposission ëd quàder
• Degustassion soagnà da l'Enoteca dël Roé

a 9 e mesa al Teatr Tosél

Se ij bogianen a bogio... Pòrca miseria! Stòrie 'd campagnin e d'emigrant piemontèis, réssita dij Musicant ëd Riva 'd Cher

---

an Alba, Teatr Sossial G. Busca. An colaborassion con la Sità d’Alba

 

Da 2 bòt dël dòp mesdì a 7 ore la sèira
Rëscontr ëd la Wikipedia Piemontèisa, l'enciclopedìa a gràtis ëd la Ragnà
a deurbo la manifestassion:

• l'Assessor a la Coltura dla Region Piemont: Gian Oliva
• l'Assessor al Torism ëd la Provinsa 'd Coni: Federich Gregòri
• ël Sìndich d’Alba: Giusep Rossèt
• L'Ass. comunal a Coltura e Polìtiche Giovanij: Ivana Brigneul Miròglio
• j'aministrator ëd la wiki piemontèisa Dragonòt, Berto 'd Sèra, Borichèt e àutri volontari dël progét

Ant ël programa:
- Discussion con utent e letor
- Dimostrassion técniche,
- Ancontr con student, magìster e magistre dij cors ëd Piemontèis
- Wikipedia e scòla, coma giutesse a fé còsa
- Toponimìa piemontèisa: anvers a na cartografìa «nativa»

an Cherasch, Teatr Salomon. An colaborassion con la Sità 'd Cherasch

a 8 ore la sèira L’Òsto dël Pensé: Homo sum. Da Terensio a Tavo Burat, leture piemontèise soagnà da Giani Davich
Degustassion soagnà da l’Enoteca Regional dël Roé

a 9 e mesa Nòna, scota na stòria!  spetàcol animà djë student dij cors ëd Piemontèis ëd j'asilo e dle scòle elementar e medie dla Provinsa 'd Coni. Soagnà da Nòste Rèis, masentà da Vàlter Bërgèis

Vënner, ij 30 'd Magg 2008
an Cherasch, Teatr Salomon. An colaborassion con la Sità 'd Cherasch

a 8 ore la sèira L’Òsto dël Pensé: rëscontr «Ël piemontèis ëd l'avnì», l'avnì dla lenga, lession antrodutiva dël Prof. Sergi Marìa Girardin
Degustassion soagnà da l'Enoteca Regional dël Roé

a 9 e mesa Consert: ël Quintèt d'Enzo Vacca a presentà «Evoà», mùsiche tradissionaj piemontèise për arpa sèltica, vos, violin, viòla e violonsél